​Құрманғазы ауданына жаңа рейс қатынайды

16 желтоқсаннан бастап «Атырау – Құрманғазы - Атырау» бағытында жолаушылар автобусы қатынайды.

Облыстық әкімдіктің тапсырмасына сәйкес Құрманғазы ауданы мен облыс орталығының арасында күн сайын 53 орындық 3 автобус жүреді.

Билет құны – 2000 теңге. Балаларға және мүмкіндігі шектеулі азаматтарға 50 пайыз жеңілдік қарастырылған.

- Атырау қаласының автобекетінен автобус 07:00, 12:00, 19:00-де, ал Құрманғазы ауданы Қазақтелеком мекемесінің алдынан 06:00, 11:00, 17:00 –де қозғалады. Жолаушылар тасымалына Akzhayik Avtopark ЖШС жауапты,- деді Атырау облыстық жолаушылар көлігі және автомобиль жолдары басқармасы жолаушылар көлігі бөлімінің басшысы Нұрбол Жампейсов.

Айта кетейік, қоғамдық көліктер Атырау қаласынан 16-желтоқсаннан, ал Құрманғазы ауданынан 17-желтоқсаннан бастап жолаушыларды тасымалдайды. Жолаушылар билетті автобекеттің кассасынан және Atyraubus.kz сайтынан сатып ала алады.

Дайындаған Нұрбейбіт НҰҒЫМАНОВ