Алмалыда қалып қойған аққу табиғи ортасына жіберілді

Алмалы ауылының тұрғыны орман және жануарлар дүниесі аумақтық инспекциясы мамандарына аққу секілді құстың миграция кезінде қонып, қайта ұша алмай қалғандығын хабарлаған. 

Шақырту бойынша инспекцияның жануарлар дүниесі және аңшылық шаруашылығы бөлімінің бас маманы А. Маратұлы, Орман шаруашылығы және ЕҚТА бөлімінің бас маманы С. Мақу және «Ақжайық» МТР орнитолог маманы И. Бофонов  жедел барған.

Олар құстың сыбырлақ аққудың жас дарағы екенін анықтады. Аққудан ешқандай жарақат және басқа да ауру түрі жоқ екені анықталған соң өзінің табиғи ортасына ұшып кетуіне көмектесті, деп хабарлады инспекцияның баспасөз қызметі. 

Нұрбейбіт НҰҒЫМАНОВ