Трамптың жеңісінен соң Илон Маск әлемдегі ең бай адам атанды

268 просмотра

Илон Маск байлығы 400 миллиард доллардан асқан тарихтағы алғашқы адам болды, деп хабарлайды inbusiness.kz сайты.

Оның капиталы Дональд Трамптың АҚШ-тағы президенттік сайлаудағы жеңісінен кейін күрт өсті.

Масктың байлығын арттырған нәрсе – SpaceX компаниясының акцияларын сатқаны. Мәміле нәтижесінде Bloomberg Billionaires Index мәліметтері бойынша кәсіпкердің таза байлығы 439,2 миллиард долларға дейін өсті.

Илон Маск Дональд Трамптың сайлаудағы доноры және қолдаушысы болды. Саясаткердің жеңісінен кейін Tesla акциялары да 65% өсті, өйткені жаңадан сайланған президент өздігінен жүретін көліктерді енгізуді жеңілдетуге уәде берді.

Сонымен қатар кәсіпкер жаңадан құрылған мемлекеттік қызмет тиімділігін арттыру департаментінің басшысы қызметін атқарады.

Маск бұрынғы рекорды 2021 жылы қойылған. Содан кейін оның байлығы 300 миллиард доллардан асты.

12 желтоқсан, 12:20

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.