Путин Украинаға жаңа баллистикалық ракетамен соққы жасағанын мәлімдеді

Ресей президенті Владимир Путин Украинаға орта қашыққа ұшатын жаңа баллистикалық "Орешник" ракетасымен соққы жасағанын мәлімдеді, деп жазады Азаттық Радиосы. 

Оның сөзінше, бұл – Киевтің "америкалық және британдық алысқа ұшатын қару түрлерін" пайдалануына жауап. Бұл жөнінде Путин 21 қараша кешке видеомәлімдемесінде айтты.

Днепрге баллистикалық ракетамен соққы жасалғаны 21 қараша күндіз белгілі болған.