№42 «Атырау – Алматы» пойызының қозғалысы уақытша тоқтатылды

«Жолаушылар тасымалы» АҚ техникалық себептерге байланысты 23 қарашадан бастап №41/42 «Алматы-2 – Атырау» жүрдек пойызының «Тальго» вагондарымен қозғалысы тоқтатылғанын хабарлайды. Жолаушыларды тасымалдауды қамтамасыз ету үшін №541/542 «Алматы-2 – Атырау» бір реттік пойызы бекітілген. 

№ 541/542 «Алматы-2 - Атырау» пойыздарының жүру кестесі: 

• Алматы-2-ден шығу уақыты: 22 қараша сағат 00:21 (жергілікті уақыт).
• Атырауға келу уақыты: 23 қараша (келу уақыты диспетчерлік кестемен анықталады).
• Атыраудан кері шығу уақыты: 23 қараша жергілікті уақыт бойынша сағат 21:40.
• Алматы-2-ге келу уақыты: 25 қараша (келу уақыты диспетчерлік кестемен анықталады).

№ 541/542 «Алматы-2 - Атырау» бағыты бойынша стандартты вагондардан тұратын пойызға ауыстырылған жолаушыларға билет құнының айырмасы жолаушыларды, жүктi және багажды тасымалдау ережелеріне сәйкес өтеледі. Ұлттық тасымалдаушы уақытша қолайсыздықтар үшін кешірім сұрайды. Қосымша ақпаратты «1433» телефоны арқылы тегін алуға болады.