​Атырау облысында қоршаған ортаны қорғауға бағытталған инвестиция 4,1 есеге қысқарды

2024 жылы олар 6,6 миллиард теңгені құрады, ал бір жыл бұрын 27,3 миллиард теңге болған еді. Дегенмен, облыс инвестиция көлемі бойынша әлі де көшбасшы боп қалып отыр.

Айтпақшы, биыл еліміздің 20 өңірінің 13-інде ғана секторға инвестиция салынған.

IQAir рейтингі бойынша Қазақстан жалпы ауасы ең лас 40 елдің қатарына кіреді. PM2.5 орташа жылдық концентрациясы (құрамында шаң, сұйықтық және т.б. бар  майда дисперсті бөлшектер) ДДҰ ұсынған ауа сапасының орташа жылдық мәнінен төрт еседен астам жоғары болды.

Мәселен, Finprom.kz аналитикалық порталының мәліметі бойынша, Қазақстанда PM2.5 орташа жылдық концентрациясы текше метрге 22,2 микрограммды құрады. Ал бір жыл бұрын 23 мкг болған еді. Бұл көрсеткіш ДДҰ ұсынған ауа сапасының орташа жылдық мәнінен 4,4 есе жоғары.

Зерттеу барысында еліміздегі ең таза қала -Шу қаласы, ал ең лас қала Қарағанды болып саналатыны белгілі болды.

Еске салайық, 2023 жылы Экология министрлігі Қазақстан аумағында атмосфераға 2,5 миллион тонна ластаушы зат тарағанын хабарлаған болатын.

Қазақстан-Британ техникалық университеті жүргізген Батыс Қазақстан өңірлеріндегі атмосфералық ауаның ластануының салыстырмалы талдауына сәйкес, есептелген шығарындылар көрсеткіші негізгі үлесті Атырау және Ақтөбе облыстарының (тиісінше 36,6% және 35,4%) құрайтынын көрсетті. 

Анастасия ШЕРСТЯНКИНА