В Атырау
-1 
Германия, АҚШ, Израиль мен бірқатар араб елдерінде террористік ұйым саналатын қозғалысты жеңіліске ұшырады деп санауға болады. Бұл туралы Израильдің жаңа қорғаныс министрі Исраэль Кац бұрын өзі басқарған елдің Сыртқы істер министрлігінде өткен шарада мәлімдеді, деп жазады inbusiness.kz.
"Біздің ендігі міндетіміз – осы жеңістің жемісін тату үшін қысым көрсетуді жалғастыру", – деп келтіреді министрдің сөзін Reuters.
Кацтың айтуынша, Израиль Ливанның ішкі саясатына араласуға мүдделі емес, өйткені ол "сабағын алды". Министр өз мәлімдемесін ашып түсіндірген жоқ, бірақ оның есіне 2006 жылғы оқиғалар түсуі мүмкін - аймақта ұзаққа созылған соғыс қимылдарына әкеліп соқтырған Ливанның оңтүстігіндегі Хезболлаға қарсы ЦАХАЛ әскери операциясы. Израильде ол күндер Екінші Ливан соғысы деп аталады.
Кац өз сөзінде басқа нәрселермен қатар халықаралық коалиция Хезболланың айтарлықтай әлсіреуіне байланысты жағдайды саяси мақсаттарға пайдаланады және Ливан оңтүстік көршісімен қарым-қатынастарын қалыпқа келтіруде басқа елдерге қосылады деп үміттенетінін білдірді.