Сиыр ұрлығы үшін мүлкі тәркіленеді

Атырауда жыл басынан бері ұрланған 70 бас үй жануарлары иелеріне қайтарылды.

Атырау облыстық полиция департаментінің дерегінше, Атырауда жыл басынан бері мал ұрлығына қатысты 27 қылмыс ашылып, жедел-іздестіру шаралары нәтижесінде мал ұрлығымен айналысқан 7 адамнан құралған 1 қылмыстық топ ұсталған. 

Сондай-ақ, жоғалған 70 бас үй жануары  иелеріне қайтарылды. 

"Мал ұрлау, яғни бөтеннің малын жасырын жымқыру – мүлкі тәркіленіп, үш мың айлық есептiк көрсеткiшке дейiнгi мөлшерде айыппұл салуға не сол мөлшерде түзеу жұмыстарына, не бес жылға дейiнгі мерзімге бас бостандығын шектеуге, не сол мерзімге бас бостандығынан айыруға жазаланады", - деп хабарлады ПД.

Нұрбейбіт НҰҒЫМАНОВ