Ресторатор Нұрлан Мұқышев БАӘ-де ұсталды ма?

Бұқаралық ақпарат құралдарында 4 қарашада Алматы, Астана және Атыраудағы Ginza, Kazburger, Barma, Fresh and Go, Coban орындарының, Bakerist наубайханаларының қожайыны Нұрлан МҰҚЫШЕВТІҢ Әмірліктерге кірген жерінде ұсталғаны туралы ақпарат таралып жатыр.

«Тіркелген құжаттарға сәйкес, қазақстандық кәсіпкердің Дубайдағы бизнесіне 2 миллион доллардан астам инвестиция салған серіктестерінің шағымы бойынша Мұқышевқа қатысты Әмірліктерде іс тергелуде. Полиция Мұқышевтың әрекетінде алаяқтық және инвестордың сеніміне опасыздық жасау белгілері бар-жоғын тексеріп жатыр. Тергеу аяқталғанша қазақстандық кәсіпкерге Әмірліктерден шығуға шектеу қойылды», - деп жазады тәуелсіз журналист, Kozachkov offside телеграм-арнасының авторы.

«AЖ» Атыраудағы Ginza мейрамханасының әкімшілігіне хабарласты: «Иә, біз бұл қауесеттен хабардармыз. Онда бәрі жақсы. Бұл жалған ақпарат», - деп түсіндірді мейрамхана қызметкерлерінің бірі.

Біраз уақыттан кейін Н.Мұқышевтің өзі хабарласып: «Бұл бос әңгіме. Менде бәрі жақсы, жоғарыда айтылғанның дәлелі ретінде бүгінгі сторисімді қарауыңызға болады», - деді.

Оның пікірінше, «бұл ақпарат неліктен БАҚ-қа жарияланды?» деген сұраққа ресторатор қазіргі уақытта бұл мәселені адвокаттары мен заңгерлер шешіп жатыр деп жауап берді.

Өздеріңіз білетіндей, 50 жастағы ресторатордың Қазақстанда ғана емес, БАӘ-де де бизнесі бар. Ашық дереккөздерден алынған ақпаратқа сәйкес, ол жылына 20 миллион доллар айналымына қол жеткізген, туған елінде де бизнесі өрлеп тұр.

Анастасия ШЕРСТЯНКИНА