QazaqGaz және CNPC әлеуеті мол геологиялық барлау жобаларын талқылады

«QazaqGaz» ҰК» АҚ Басқарма төрағасы Санжар Жаркешов және China National Petroleum Corporation (СNPC) вице-президенті Чжан Даовей серіктестікті кеңейту бойынша келіссөздер жүргізді, деп хабарлайды ұлттық компанияның баспасөз қызметі.

Тараптар әлеуеті мол жобаларды, атап айтсақ, геологиялық барлау саласындағы бастамаларды талқылады. QazaqGaz және CNPC басшылары Қазақстандағы перспективалы учаскелерді бірлесіп дамыту және газдың ресурстық базасын ұлғайту жоспарларының маңыздылығын атап өтті.

Ынтымақтастық еліміздің газ саласының тұрақты дамуына, сондай-ақ ішкі және сыртқы нарықтарға тұрақты газ жеткізуді қамтамасыз етуге ықпал етеді деп күтілуде.