Жайықтың оң жағалауын жөндеу жұмыстары басталды

Естеріңізге сала кетейік, жағалауды бекіту жұмыстары кезінде ауыр техника қозғалысынан жағалаудағы асфальт пен кеспе тастар, сондай-ақ темір қоршаулар бүлінген еді. 

– Жөндеу жұмыстары кезінде қоршаулар дәнекерленіп, асфальт, гранитті жабындар және кеспе тастар қалпына келтіріліп, шамдар да орнатылады. Ал жүгіру жолының резеңке жабынына келетін болсақ, ол жаңартылады. Қазір бөлшектеу жұмыстары жүргізілуде, - деді қала әкімдігінің баспасөз хатшысы Ғасырбек ТӨЛЕГЕНОВ. 

«BS» ЖШС мердігер компаниясы осы жылдың соңына дейін жөндеу жұмыстарын аяқтайды деп күтілуде. 

Дайындаған Нұрбейбіт НҰҒЫМАНОВ

Автор түсірген сурет