В Атырау
+2 
Жылыой ауданы прокуратурасы дәрігерлердің азаматтарға тегін медициналық көмектің кепілдік берілген көлемімен қамтамасыз ету міндеттерін елемеу фактілерін анықтады, деп хабарлайды Атырау облысы прокуратурасы.
Атап айтқанда, аудандық ауруханамен есепте тұрған тегін дәрі-дәрмек алатын азаматтардың саны негізсіз қысқартылған, сондай-ақ тауар жеткізушімен дәрілік заттар уақтылы жеткізілмеген.
Қадағалау актісі бойынша орталық ауруханада қант диабеті, артериалдық гипертензия диагноздармен есепте тұрған 4 мыңнан астам азаматқа 19 155 349 теңгеге дәрі-дәрмектер берілді.
Тұрғындардың конституциялық құқықтары қалпына келтірілді.
Аудандық аурухананың жауапты лауазымды тұлғасы тәртіптік жауапкершілікке тартылды.
15 тамыз, 17:32