Германия алдағы уақытта Ресеймен соғысқа дайын болуға шақырды

Германия өзінің географиялық тұрғыдан орналасуына байланысты Ресеймен қақтығыс бола қалған жағдайда НАТО әскерлерін шығысқа бір жерден екінші жерге жіберуде плацдарм болуы мүмкін. 

Германия әскери-теңіз күштерінің капитаны Михаэль Гисс Германия соғысқа дайындықты бастауы қажет деген пікірде, деп хабарлайды inbusiness.kz сайты DW агенттігіне сілтеме жасап.

Германия әскери-теңіз күштерінің капитаны Михаэль Гисс ел билігі мен халықты сыртқы қауіп-қатерді мойындауға, Ресейдің НАТО-ға шабуылының алдын алу үшін соғысқа дайындала бастауға шақырды. 

"Менің сарбаз ретіндегі уақытым аяқталуға жақын. Бес жылдан кейін біздің қоғам сыртқы әскери қауіп-қатерге төтеп бере алатындай тұрақты болуы керек", - деді Михаэль Гисс Welt am Sonntag басылымына берген сұхбатында.

Оның сөзінше, Германия географиялық орналасуына байланысты Ресеймен нақты қақтығыс болса, НАТО әскерлері шығысқа баратын аймаққа айналуы мүмкін.