Атырауда полиция есірткі өткізбек болған күдіктілердің жолын кесті

713 просмотра

Есірткіні жасырын тығу әдісі арқылы өткізбек болған күдіктілердің бірі 19 жаста, екіншісі 39 жаста. Олардан 350 бума есірткі тәркіленді, деп хабарлайды Атырау облыстық полиция департаменті.

Атырау облысы ПД Есірткі қылмысына қарсы іс-қимыл басқармасының қызметкерлері «Қарасора» жедел профилактикалық іс-шарасын өткізу барысында Атырау қаласы аумағындағы есірткі заттарын таратумен айналысқан Ақтөбе қаласының тұрғынын ұстады. Күдіктінің жалға алынған пәтерін тінту барысында 181 дана пакетке оралған ерекше иісі бар қара қоңыр түстес есірткі тәркіленді.
Сондай-ақ, Атырау облысы ПД Есірткі қылмысына қарсы іс-қимыл басқармасының қызметкерлері жедел іздестіру іс-шараларын жүргізу кезінде синтетикалық есірткі заттарын таратумен айналысқан ер адамды ұстады. Тексеру кезінде одан 25 бумаға оралған есірткі тәркіленді.
Сонымен қатар, күдіктінің қала аумағында жасырған 6 бума есірткісі тәркіленді.
Күдіктінің жеке пәтерін тінту барысында 96 бума синтетикалық есірткі және ерекше иісі бар жасыл түстес өсімдік салынған 31 бума тәркіленді.

Қазіргі уақытта 2 күдікті де қамауға алынып, оларға қатысты қылмыстық іс тергелуде. Өзге ақпарат тергеу мүддесіне сәйкес жариялауға жатпайды.

8 тамыз, 16:08

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.