Махамбет ауданы Талдыкөл ауылында балық жаппай қырылып жатыр

Әлеуметтік желіде тараған видеода қара балықтың өте көп екені байқалады. Оның көптігі соншалық, ол су қоймасына сыймай, су ағысымен жағаға шығып қалып жатыр.

Атырау облысы әкімдігінің баспасөз хатшысы Руслан ЖҰМАҒАЗИЕВТЫҢ айтуынша, экология департаменті зерттеу жұмыстарын жүргізу үшін судан сынама алған. Дегенмен, су сынамалары болмаса да, мәселе сапасында емес, оның аз мөлшерінде екені түсінікті. Естеріңізге сала кетейік, мамыр айында су тасқыны кезінде Талдыкөл ауылының тұрғындарын су басу салдарынан көшіруге тура келген болатын.

Ауылда кеуіп жатқан жерлерде балық, негізінен, шабақтар көп қалған. Алдын ала болжам бойынша, жағдай осыған байланысты туындаған.

Әлеуметтік желіде таралған видео резонанс тудырып, жұртшылық балықты құтқару үшін «жасыл» жасақтар ұйымдастыруды сұрап жатыр. Бұған бірінші болып шабақтарды торға, шелекке салып, каналға апара бастаған талдыкөлдіктердің өздері үн қосты. Артынша бұл іске ауыл әкімі мен облыстық балық қорғау инспекциясының қызметкерлері де араласты.

Бұл жерде бірнеше ондаған адам жұмыс істеп жатқаны хабарланды. Махамбет ауданының әкімі Арман ӘДІЛҒАЛИЕВ таяу уақытта суды канал бойымен ағызу шаралары алынатынына уәде берді.

Анастасия ШЕРСТЯНКИНА