Атырауда су тасқыны кезінде бұзылған жолдар жөнделіп жатыр

Атырауда су тасқыны кезінде бұзылған жолдар жөнделіп жатыр. Ерте тасыған Ойыл өзені Қызылқоға ауданының халқын әбден әбігерге салған еді, деп хабарлайды 24kz. 

Ал, Жемнің суы Атырау – Ақтау автомагистиарлының Жылыой ауданындағы учаскесіне айтарлықтай залал келтірді. Арнасынан асқан Жайық республиалық маңыздағы Атырау – Орал тасжолын 2 жерден бұзып, облысішілік Атырау – Индер – Қарабау – Миялы күре жолын жарамсыз етті. 

Аслан Дүйсенов, «Қазавтожол» ҰК» АҚ облыстық филилалы басшысының орынбасары:

- Жалпы 66 шақырымның орташа жөндеу жұмыстарына жеңімпазы анықталып, қазіргі таңда жөндеу жұмыстары басталды. Жарықшақтарға шайыр құю, шұңқырларды жамау, түзету қабаты және беттік өңдеу қабатын жөндну жұмысары атқарылатын болады.Сонымен қатар Мұқыр – Құлсары деген жолымыз бар. Ол жолға да орташа жөндеу жұмыстарына конкурстық процедуралар жүріп жатыр. Сондай-ақ жергілікті бюджет есебінен көктемгі тасқын кезінде бүлінген Қызылқоға ауданында да 1 көпір мен 12 жол учаскесін қалпына келтіру жұмыстары жүріп жатыр.