Атырауда мопед жүргізушілері жіті назарда

Жыл басталғалы мотокөліктердің қатысуымен 106 жол-көлік оқиғалары орын алып, 5 адам қайтыс болды. 

Осыған орай, патрульдік полицейлер қала аумағында мопед көлік құралын басқарып, жол ережесін сақтамаған жүргізушілерді жауапқа тартты.

Айта өтейік, 1 аптаның ішінде полицейлер мопед көлік құралының қатысуымен болған 73 құқық бұзушылықты анықтап, ҚР ӘҚБтК-нің 615-бабы бойынша әкімішілік хаттама жасақтады.

- Мотокөліктермен орын алатын жол-көлік оқиғаларын қамтамасыз ету мақсатында, жүргізушілерге жылдамдықты асырмай, жол жүрісі ережесіне бағынып, қатаң сақтауларын ескертеміз, - деді Атырау қаласының патрульдік полиция батальонының командирі полиция майоры Даурен НАСИПОЛЛА.

Дайындаған Ләззат ҚАРАЖАНОВА