В Атырау
+26 
«Ақ Жайық» газетінің редакциясына оқырман сауалы келіп түсті. Қала тұрғыны қала әкімшілігінің Тайманов көшесін, каналдан Оралға дейінгі айналма жолға дейінгі бөлігін, Бигелдинов көшесін, каналдан Тайманов қиылысына дейін қайта жарақтау бойынша жоспары бар ма деп сұрапты.
Оқырман «Самал» ықшамауданынан Астрахань жолына дейін жүк түсіру жолын салу жоспарда бар-жоғын сұрады.
Берғалиев айналма көшесінен Амандосов көшесі арқылы Тайманов көшесіне дейінгі жолды қайта жаңғырту бойынша жұмыс жобасы 2020 жылы мемлекеттік сараптамадан оң қорытынды алғаны белгілі болды.
«Алайда, қаланың көлік инфрақұрылымын дамытуда туындаған мәселелердің кешенді шешімдерінің жоқтығына байланысты, сондай-ақ қаржыландыру көзі белгісіз болғандықтан бұл жоба бүгінгі күнге дейін, атап айтқанда, 3 жылдан немесе одан да көп жыл өткен соң жүзеге асырылмай келеді, – дейді қала әкімінің орынбасары Тілек МАХУОВ. – ҚР Ұлттық экономика министрінің бұйрығына сәйкес, ҚР заңнамасында белгіленген тәртіппен бекітілгеннен кейін 3 және одан да көп жыл ішінде құрылысы басталмаған жобалық-сметалық құжаттама ескірген болып саналады және түзетіліп, қайта сараптама жүргізіліп, қайта бекітілгеннен кейін оны жүзеге асыру үшін пайдаланылады».
Қазіргі таңда жоғарыда аталған жұмыс жобасы бойынша жобалық-сметалық құжаттаманы түзету процедурасы жүріп жатыр екен.
Бейбарыс даңғылынан «Атырау-Астрахань» трассасына дейінгі жолға келсек, қазіргі таңда жобалық-сметалық құжаттарды мемлекеттік сараптама порталына жүктеу рәсімі жүріп жатыр. Оң қорытынды алып, мердігерді анықтағаннан кейін құрылыс-монтаж жұмыстарын бастау жоспарланған.
Анастасия ШЕРСТЯНКИНА