Атырау облысында төтенше жағдай режимі жойылады

«Ашық НҚА» сайтында Атырау облысы әкімінің өңірдегі төтенше жағдайды жою туралы шешімінің жобасы жарияланды.

Шешімде Атырау облысы әкімінің 2024 жылғы 7 сәуірдегі №3 «Табиғи сипаттағы төтенше жағдайды жариялау туралы» қаулысының күші жойылды деп танылды. Нормативтік-құқықтық акт жарияланған күнінен бастап қолданысқа енгізіледі. Нақты күші жойылған күні хабарланбаған. Қоғамдық талқылау 2 шілдеге дейін жалғасады.