Бес айда Атырау облысының бюджетіне 15 миллиардтан астам «экологиялық» теңге өндірілді

Бұл туралы Мемлекет басшысы өңірдегі қолайсыз экологиялық ахуалға назар аударған Ұлттық құрылтай отырысында белгілі болды.

Облыс прокуратурасы табиғатты қорғау заңнамасы саласында жүргізген тексеру аясында экологиялық рұқсатсыз 5 млн м3 көлемде шикі (күкіртті) газдың шектен тыс көлемін жағуға жол берген атауы аталмаған жер қойнауын пайдаланушыдан 12,2 млрд теңге көлемінде сома өндіріп алды.

Прокурорлық қадағалау шараларымен кінәлі ҚР ӘҚБтК-нің 328-бабының 1-бөлігі («Қоршаған ортаға жол берілетін антропогендік әсер ету нормативтерін бұзу») бойынша жауапқа тартылды.

Қалған қаржыны қай кәсіпорын өтегені де айтылмады, бірақ тағы 3 миллиард теңге экологиялық құқық бұзушылық аясында өтелді, деп хабарлайды Атырау облысының прокуратурасы.

Анастасия ШЕРСТЯНКИНА