Тротуарды биіктету қажет

Атырау қаласының билігі қаланың орталық көшесі – Азаттық даңғылының үнемі суға кететініне назар аударды.

Ылғалды ауа-райында тротуарларда метрлеген терең шалшықтар пайда болатындықтан, адамдар сонау кеңестік дәуірден бері таза киімдерін бүлдіріп, бастарын қатерге тігіп, жол жиегіне шығуға немесе көгалды таптауға мәжбүр болады.

Анықталғандай, көгалдандырушылар көгалда түзілген сүрлеуге көктемгі тұқым сеуіп тастаған. Бірақ қала орталығындағы тротуарлар аласа, асфальт әлдеқашан жарықшақтанып, көтеріліп кеткен, кей жерлерінде арматуралары шығып жатыр.

«Атырау қаласындағы Азаттық даңғылының тротуарларын биіктету мақсатында қазіргі уақытта орташа жөндеуге ЖСҚ әзірленуде. Ол мемлекеттік сараптамадан өткеннен кейін қаражат бөлінген кезде бұл көше өндіріс жоспарына енгізіледі», - деп жауап берді «Ақ Жайық» редакциясына қала әкімінің орынбасары Тілек МАХУОВ.

Басқа да жаңалықтар бар: Геолог с.о-де, Жұмыскер с.о., Еркінқала с.о., Ақсай с.о., Қайыршақты с.о, Атырау с.о., Кеңөзек с.о.-дағы тротуарларда 2022 жылы басталған құрылыс-монтаж жұмыстары жаз соңында жалғасады. Неліктен қазір емес? Белгілі болғандай, жоба құрылымдарының техникалық параметрлерінде әлдене өзгеріп, оны жобалық-сметалық құжаттамада түзетуге тура келген.

Егер бәрі ойдағыдай болса, тамыз айында үш мердігер – «АтырауКөлік» ЖШС, «Жайық сити» ЖШС және «Казкомсервис» ЖШС тротуарларды қолға алатын болады.

Анастасия ШЕРСТЯНКИНА

«АЖ» мұрағатынан алынған сурет