Атырау облысында ТЖ режимі кезінде 1846 сәби дүниеге келді

510 просмотра

Атырау облыстық денсаулық сақтау басқармасының мәліметінше, төтенше жағдай режимі енгізілгелі бері өңірде 1846 сәби дүниеге келді, деп хабарлайды Атырау облысының ТЖ жөніндегі жедел штабы.

Оның ішінде, нәрестелердің 961-і ұл, 885-і қыз бала.

Айта кету керек, тасқын уақытында жылыойлық 8 нәресте Маңғыстау облысында өмірге келді. 5-7 сәуір күндері Маңғыстау облысының Бейнеу ауруханасында алты, 8 сәуірде Маңғыстау облыстық перинаталдық орталығында бір сәби дүниеге келді.

Еске сала кетелік, 7 сәуірде Атырау облысында табиғи сипаттағы төтенше жағдай режимі жарияланды. Төтенше жағдай кезінде тасқынмен күреске облыс бойынша екі ай ішінде 17 549 адам және 1800 бірлік техника жұмылдырылды. Оның ішінде, Қорғаныс министрлігі, Ішкі істер министрлігі, Ұлттық Ұлан гвардиясы, ҰҚК Шекара қызметі, жергілікті атқарушы орган өкілдері мен еріктілер бар.

11 маусым, 11:43

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.