Атырауға Қытайдан гуманитарлық көмек келді

442 просмотра

10 маусым күні Атырауға Қытайдың шығыс жағалауындағы ірі Ляньюньган портынан гуманитарлық көмек жетті, деп хабарлайды Атырау облысының ТЖ жөніндегі жедел штабы.

- Қытай мен Қазақстан - ұзақ жылғы достық тарихы бар өркениетті мемлекеттер. Ляньюньган мен Атырау арасы алшақ болғанымен, бұл байланысқа кедергі бола алмайды. Белгілі бір себептермен біздің гуманитарлық көмек сәл кешігіп келді. Бірақ бұл екі ел халқының бір-біріне деген қамқорлығын тоқтата алмайды. Бүгін мен Ляньюньган портының атынан гуманитарлық көмекті Атырау қаласының әлеуметтік даму қорына аударамын, - деді Орталық Азиядағы Ляньюньган порты өкілдігінің директоры Чжао Вэй.

Атырау облысындағы су тасқынынан зардап шеккен аймақтарға Ляньюньган қаласынан күрке, төсек орын, қолғап, резеңке етік, күрек және су сорғыш құралдар жеткізілді.

Еске сала кетелік, бүгінде Ляньюньгандағы қытай-қазақ логистикалық базасы Қытай мен Орталық Азия арасындағы тауар айналымын арттырып отыр.

11 маусым, 09:18

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.