Синоптиктер батыста қатты аптап ыстық болатынын ескертті

Қазгидромет 11-13 маусымға арналған ауа райы болжамын жариялады.

«Елдің басым бөлігінде атмосфералық фронтальды аймақтар қалыптасады, жаңбыр жауып, найзағай ойнап, екпінді жел соғады, 11-12 маусымда шығыста, 13 маусымда республика орталығында қатты жаңбыр күтіледі; .

Республиканың солтүстігінде басым тәуліктік ауа температурасы +20+25 °C, шығыста және орталықта +22+32 °C-тан +18+26 °C-қа дейін төмендейді, оңтүстігінде аптап ыстықтың +33+40°С-тан +25+35°C-қа дейін төмендеуі күтілуде, ал еліміздің батысында ауа температурасы +33+40°C ыстық белгісіне дейін көтеріледі.