Атыраулық оқушылар халықаралық олимпиадада алтын медаль иеленді

Өзбекстанда өткен Халықаралық білім бәйгесінде Қазақстанның құрама командасы 4 медаль иеленді.

Әл-Хорезми атындағы математика олимпиадасында бақ сынаған еліміздің командасының құрамында атыраулық оқушылар да бар. 

- №1 «Білім-Инновация» лицей-интернатының 9-сынып оқушылары Бердібек ОРЫНБАСАР - алтын медаль еншілесе, Темірлан ӘБІШЕВ - күміс медальға ие болды, - деп хабарлады Атырау облысы Білім беру басқармасының баспасөз хатшысы Эльмира ТҰҢҒАТАРОВА.

Айта кетейік, Өзбекстанда өткен олимпиадаға Қазақстан, Қырғызстан, Әзірбайжан, Түркіменстан және Тәжікстан мемлекеттерінен 135 оқушы қатысты.

Нұрбейбіт НҰҒЫМАНОВ