«Өзенмұнайгаз» АҚ-на жаңа басшы тағайындалды

«ҚазМұнайГаз» ҰК АҚ Басқарма төрағасы Асхат Хасенов «Өзенмұнайгаз» АҚ ұжымына компанияның жаңа бас директоры Жанболат Саймағанбетовті таныстырды, деп хабарлайды компанияның баспасөз қызметі.

Жанболат Саймағанбетов осыған дейін «Өзенмұнайгаз» АҚ бас директорының өндіріс жөніндегі орынбасары болып еңбек етті. 

ҚМГ басшысы сондай-ақ компанияның бұрынғы басшысы, Мемлекет басшысының Жарлығымен Маңғыстау облысының әкімі лауазымына тағайындалған Нұрдәулет Қилыбайға атқарған жұмысы үшін алғыс білдіріп, жаңа қызметте табыс тіледі.