​Нұрсаяға жету оңайырақ болады

23 мамырдан бастап Атырау қаласында №30 маршрут енді Құрманғазы көшесіне бұрылмай, академия аялдамасынан тіке әуежайға қатынайды. 

Бұл Нұрсая ықшамауданына қатынайтын №4 және 30А маршруттарындағы жолаушылар ағынын азайту мақсатында жасалды, деп хабарлайды «SmartAtyrau» коммуналдық мемлекеттік мекемесі. 

- Бұған дейін таңертеңгі және кешкі қарбалас уақытта Нұрсая ықшамауданына қатынайтын автобустарға жолаушы сыймай қалып жататын. Сонымен қатар бұл әуежай мен халыққа қызмет көрсету орталығынан қатынайтын атыраулықтардың жол жүруін жеңілдетеді. Жаңа маршрут Нұрсая мен ықшамауданына кірмей, Әбілхайыр хан даңғылы арқылы әуежайға тікелей қатынайды, – дейді «SmartAtyrau» директоры Арслан АРОНОВ.

Енді №30 маршруттағы 8 автобус келесідей бағытта жүреді:

1-бағыт: Авангард – Жеңіс саябағы –Владимирский көшесі - Құрманғазы көшесі - Ғұмаров – Жилгородок – Азаттық – Сәтпаев даңғылы – Әуежай – Академия –Құрманғазы көшесі- Авангард. 

2-бағыт: Әуежай – Сәтпаев даңғылы – Азаттық даңғылы – Жилгородок –Владимирский көшесі - Авангард - Жеңіс саябағы - Владимирский көшесі – Құрманғазы көшесі – Академия – Әуежай. 

Нұрбейбіт НҰҒЫМАНОВ