Ел банктеріндегі халықтың депозиті жыл басынан бері 11% көбейді

Биыл қазанның соңында жеке тұлғалардың ҚР ЕДБ-дегі депозиті жыл басынан бері 1,8 трлн теңгеге немесе 10,8% ұлғайып, 18,8 трлн теңгеге жетті. Елдегі 21 банктің 18-і өсім көрсетті, әрқайсысы әртүрлі, деп хабарлайды finprom.kz.

Kaspi Bank еліміздегі барлық ЕДБ арасында жеке тұлғалар депозитінің көбеюінен көшбасшы болды: жыл басынан бері өсім 891,9 млрд теңгені немесе 24,1% болып, 4,6 трлн теңгеге жетті. Банк үлесі де өсті: нарықтың 21,9%-нан 24,5%-ға жетті. Айта кетейік: қаржы институтының депозитінің өсімі нарықтың басқа қатысушыларына қарағанда бірнеше есе жоғары.

Депозит өсімі бойынша екінші орында Еуразиялық Банк: 168,9 млрд теңгеге ұлғайып, 1 трлн теңгеге жетті.

Bereke Bank депозиті 154 млрд теңгеге, яғни 359,6 млрд теңгеге дейін ұлғайды.

Жеке тұлғалар депозиті көлемі ең көп өскен банктердің бестігіне сондай-ақ Фридом Финанс Қазақстан банкі (137,8 млрд теңгеге ұлғайып, 447,1 млрд теңгеге жетті) және ЦентрКредит банкі (103,9 млрд теңгеге көбейіп, 2 трлн теңгеге жетті) кірді.

Жалпы, жеке тұлғалар депозиті өсімі жылдан-жылға қарқын алып келеді, бұл халықтың депозитке сұранысы мен банктерге деген сенімінің артқанын көрсетеді. Осылайша, бір жылда депозит көлемі 24% өскен.

Бүгінгі таңда ҚР ЕДБ-дегі халық депозитінің құрылымы мынадай:
• мерзімді депозит — 76,4%;
• жинақ депозит — 7,7%;
• талап етуге дейінгі депозит — 0,3%;
• шартты депозит — 0,02%;
• ағымдағы шот — 15,6%.