Қазақстан қалаларындағы коммуналдық ТЖ: Смайлов тапсырма берді

Үкімет отырысында күн тәртібінен тыс ЖЭО мен жылу желілеріндегі штаттан тыс жағдайлардың салдарын жою және олардың орын алу мәселелері қаралды, - деп хабарлайды Tengrinews.kz.

Қысқы жылыту маусымының өтуі әрбір облыс әкімінің жеке бақылауында болуы керек, деді Үкімет отырысында министрлер кабинетінің басшысы.

"Үкімет басшысы өңір әкімдіктеріне жылу объектілерінің иелерімен бірге тұрақты жұмыс істейтін жөндеу бригадаларының болуын, шұғыл жөндеу жұмыстары қажет болған жағдайда қосалқы бөлшектердің әзір тұруын қамтамасыз етуді тапсырды.

Оған қоса Әлихан Смайылов "Қазақстан темір жолы" және "ҚазМұнайГаз" ұлттық компанияларынан бірінші кезекте жылу станциялары мен қазандықтарға отынның уақытылы жеткізілуін қамтамасыз етуді талап етті", - делінген хабарламада.