Тоқаев Самұрық-Қазына қорын басқару жөніндегі кеңесті таратты

Қазақстан Республикасының Президенті Қасым-Жомарт Тоқаев Қорды басқару жөніндегі кеңесті тарату мәселесіне қатысты Қор туралы заңға өзгерістер мен толықтырулар енгізу туралы заңға қол қойды, деп хабарлайды Самұрық-Қазына қорының баспасөз қызметі. 

«Ұлттық әл-ауқат қоры туралы» 2012 жылғы 1 ақпандағы Қазақстан Республикасының Заңында 6-1-бап («Қорды басқару жөніндегі кеңес») алынып тасталсын», - делінген құжатта. 

Қорды басқару жөніндегі кеңес – міндетіне Қор қызметінің бәсекеге қабілеттілігі мен тиімділігін арттыру бойынша ұсыныстар әзірлеу кіретін консультативтік-кеңесші орган. Естеріңізге сала кетсек, сол кеңесті тұңғыш президент Нұрсұлтан Назарбаев басқарған болатын.