Чилидегі ең танымал телебағдарлама бір сағаттық эфирді Димаш Құдайбергенге арнады

Чилидегі ең танымал телебағдарлама бір сағаттық эфирді Димаш Құдайбергенге арнады, деп хабарлайды Kazinform. 

Бұл туралы әншінің сайты жазды.

Ең танымал Чили журналисі Хулио Сезар Родригес бағдарламаны тағы да Димашқа арнады. Бұл жолы танымал Chilevisión телеарнасында.

«Viva la morning» телевизиялық бағдарламасы («Қайырлы таң болсын!») – Чилидегі ең көп қаралатын бағдарлама.

Телебағдарлама жүргізушісі Хулио Сезар Родригес бір сағаттан астам уақыт бойы Димаш пен оның шығармашылық жолы туралы әңгімелеп, қазақстандық әртістің танымал қойылымдарын көрсетіп, оның кең вокалдық ауқымын атап өтті.

Чилидегі ең беделді медиа тұлға Хулио Сезар Димаш туралы алғаш рет өзінің «Podría ser on Radio Bío Bío» («Бұл Bío Bío радиосында естілуі керек») радиобағдарламасында таныстырған еді. Димаштың Dears Dimash Chile Difusion Team фан-клубына сұхбат берген журналист қазақстандық әртістің Чилиде жанкүйерлері көп екенін және Чилиге келгенін қалайтынын атап өтті.