Түркістан облысында цемент зауытындағы жарылыстан жұмысшы қаза тапты

Түркістан облысында орналасқан цемент зауытында жарылыс болып, 52 жастағы жұмысшы қайтыс болды, деп хабарлайды inbusiness.kz сайты.

Оқиға Түлкібас ауданына қарасты Састөбе елді мекенінде орналасқан цемент зауытында болған.

"Екі науқастың денесін 100 пайыз күйік алған. Ал, үшінші адамның денесі 70-75 пайызға күйген. Ауруханаға өте ауыр жағдайда келді. 1971 жылғы науқас қайтыс болды. Қазір жансақтау бөлімінде екі адам емделіп жатыр. Жағдайлары өте ауыр. Медициналық көмектер жан-жақты көрсетілуде", деді Сайрам аудандық ауруханасының бас дәрігері Ерғали Сәдуақасұлы.