Қазақстан бидай импортына шектеу қойды

ҚР Ауыл шаруашылығы министрінің 2023 жылғы 30 қазандағы бұйрығымен "Қазақстан Республикасының аумағына автомобиль және теміржол көлігімен бидай әкелуге тыйым салуды енгізу туралы" 2023 жылғы 25 қыркүйектегі бұйрығына өзгерістер енгізілді, деп хабарлайды Zakon.kz.

Атап айтқанда, алты ай мерзімге бидай импортына тыйым салынып жатқаны түсіндірілді:

• үшінші елдерден және Еуразиялық экономикалық одақ елдерінен Қазақстанның аумағына автомобиль көлігімен;
• лицензиясы бар элеваторларға, астық өңдеуші кәсіпорындарға, құс шаруашылығы кәсіпорындарына темір жол көлігімен бидайды әкелуді және бидайды аумақ арқылы транзитпен тасымалдауды қоспағанда, Қазақстанның аумағына үшінші елдерден және Еуразиялық экономикалық одақ елдерінен темір жол көлігімен.