Тоқаев Ақордада Мажарстан премьер-министрін қарсы алды

Қасым-Жомарт Тоқаев Ақорда резиденциясында Мажарстан премьер-министрі Виктор Орбанмен кездесті, - деп хабарлайды Tengrinews.kz тілшісі.

Мажарстан премьер-министрі Виктор Орбан Астанаға ресми сапармен келді. Оны Астана әуежайында ҚР премьер-министрінің орынбасары Серік Жұманғарин күтіп алды.

Қазақстан басшылығымен келіссөздер барысында сауда-экономикалық, инвестициялық және мәдени-гуманитарлық салалардағы Қазақстан-Мажарстан ынтымақтастығын одан әрі кеңейту мәселелерін талқылау жоспарланған.