Қазақстанда ұйымдасқан қылмыстық топтарды жаппай ұстау басталды

Қазақстанда ҰҚК мен ІІМ қызметкерлері қылмыстық топтарды құрықтауға кірісті, - деп хабарлайды Tengrinews.kz.

ҰҚК мәліметінше, Жамбыл, Түркістан облыстары мен Жетісу облысында бір мезгілде құрықтау шаралары жүргізілген. Жүргізіліп жатқан іс-шараларға ҰҚК мен ІІМ күштері мен құралдары, сондай-ақ екі ведомствоның арнайы бөлімшелері мен құралдары тартылған.

"Ұсталған қылмыстық топтар Қазақстан Республикасының Қырғызстан, Қытай және Өзбекстанмен шекаралас аймақтарында, тиісінше, Жамбыл, Түркістан және Жетісу облыстарында заңсыз әрекеттер жасаған", - делінген хабарламада.