"Тек Алматыда емес". Қазақстанның тағы қай аймақтарында жер сілкінісі қаупі бар?

Төтенше жағдайлар министрі Сырым Шәріпханов Қазақстандағы жер сілкінісі қаупі бар аймақтарды атады, - деп хабарлайды Tengrinews.kz.

Төтенше жағдайлар министрлігі басшысының айтуынша, кез келген табиғи жер сілкінісі техногендік жер сілкінісін тудыруы мүмкін, тек оңтүстік астана сейсмикалық аймақ болып саналмайды.

"Тек Алматыда емес, бүкіл Батыс Қазақстан аумағында, әсіресе мұнай және газ кен орындарын қарқынды игеру жүргізіліп жатқан жерлерде бұл мәселе бар. Мысалы, Атырау облысында – мұнай айдау есебінен. Маңғыстау облысы 8-9 балдық аумаққа жатады", - деді министр Мәжілістің Экология және табиғи ресурстарды басқару комитетінің кеңейтілген отырысында.