Оқушыларға мектепке ұялы телефон әкелуге бола ма?

Оқу-ағарту министрлігі өкілі оқушылар мектепке ұялы телефон әкелуіне бола ма деген сұраққа жауап бердіі, - деп хабарлайды Tengrinews.kz.

Ведомство мәліметінше, оқушылар мектепке ұялы телефон әкеле алады, бірақ оны сабақтан бос уақытта ғана пайдалануға болады.

Сондай-ақ, 2023 жылы наурызда НҚА сайтында білім министрінің бұйрығы шыққан еді.

"Смартфонды мұғалімнің шешімі бойынша сабақта қолдану қажеттігі тумаған жағдайда, білім алушылар мен педагогтар сабақта пайдаланбайды", - делінген бұйрық мәтінінде.

Екі жыл бұрын білім және ғылым экс-вице-министрі (қайта құрылған министрлік - еск.) Шолпан Каринова мектеп смартфонды пайдаланып-пайдаланбау туралы шешімді өз бетінше қабылдай алатынын мәлімдеген еді.