42 градус ыстық және жаңбыр: 1 тамызда Қазақстанда ауа райы қандай болады?

Қазгидромет 1 тамызда Қазақстанның әр өңірі тұрғындарын қандай ауа райы күтіп тұрғанын хабарлады, - деп хабарлайды Tengrinews.kz.

Астанада көшпелі бұлт шығады, жауын-шашынсыз. Солтүстік-шығыстан, шығыстан соғатын жел секундына 3-8 метр. Ауа температурасы түнде 16-18, күндіз 32-34 градус жылы.

Алматыда көшпелі бұлт шығады, жауын-шашынсыз. Оңтүстік-батыстан секундына 3-8 метр жел соғады. Ауа температурасы түнде 22-24 градус жылы, күндіз 35-37 градус жылы болады.

Шымкентте көшпелі бұлт шығады, жауын-шашынсыз. Оңтүстік-батыстан секундына 8-13 метр жылдамдықпен жел соғады. Ауа температурасы түнде 22-24 градус жылы, күндіз 38-40 градус жылы болады.

Күндіз Ақмола облысының солтүстігінде, батысында қысқа мерзімді жаңбыр жауады, найзағай ойнайды. Жел солтүстік-шығыстан, шығыстан 9-14, найзағай секундына 15-20 метр. Ауа температурасы түнде 13-18 градус жылы, күндіз 30-35 градус жылы.

Алматы облысының таулы аймақтарында қысқа мерзімді жаңбыр жауып, найзағай ойнайды. Оңтүстік-шығыстан оңтүстік-батысқа ауысатын жел секундына 9-14 метр. Ауа температурасы түнде 20-25, облыстың таулы аймақтарында 10-15, күндіз өте ыстық 34-39, облыстың таулы аймақтарында 24-29 градус жылы.

Күндіз Жетісу облысының таулы аймақтарында қысқа мерзімді жаңбыр жауады, найзағай ойнайды. Батыстан соғатын желдің күші 9-14, найзағайдың екпіні 15-20 м/с. Ауа температурасы түнде 15-20, облыстың шығысында 23, таулы аймақтарда 12, күндіз 34-39, таулы аймақтарда 34-39 градус жылы.

Қарағанды облысының солтүстігінде, шығысында жаңбыр жауады, найзағай ойнайды. Солтүстік-шығыстан соғатын жел солтүстік-батысқа ауысады 9-14, күндіз облыстың шығысында екпіні секундына 18 метр. Ауа температурасы түнде 15-20, облыстың оңтүстігінде 23 жылы, күндіз 28-33 жылы, облыстың оңтүстігінде қатты ыстық 37 градус.

Күндіз батыста, солтүстікте, Ұлытау облысының орталығында жаңбыр жауады, найзағай ойнайды. Солтүстіктен жел оңтүстік-батысқа ауысады 9-14, күндіз облыстың оңтүстігінде екпіні секундына 18 метр. Ауа температурасы түнде 18-23 градус жылы, күндіз 34-39 градус жылы болады. Жезқазғанда көшпелі бұлт шығады, күндіз жаңбыр жауып, күн күркірейді. Солтүстік жел оңтүстік-батысқа ауысады, секундына 5-10 метр. Ауа температурасы түнде 20-22 градус жылы, күндіз 34-36 градус жылы болады.

Түнде және таңертең Маңғыстау облысының оңтүстігінде, шығысында жаңбыр жауады, найзағай ойнайды. Солтүстік-шығыстан солтүстік-батысқа ауысатын жел секундына 9-14 метр. Ауа температурасы түнде 20-25, күндіз 32-37, облыстың оңтүстігінде 40 градусқа дейін қатты ыстық болады.

Күндіз Солтүстік Қазақстан облысының оңтүстік-батысында аздаған жаңбыр жауады, найзағай ойнайды. Түнде және таңертең облыстың солтүстігі мен шығысында тұман түседі. Солтүстік-шығыстан секундына 9-14 метр жел соғады. Ауа температурасы түнде 13-18, күндіз 28-33 градус жылы.

Түнде Абай облсының орталығында, күндіз облыстың батысында, шығысында, оңтүстігінде жаңбыр жауады, найзағай ойнайды. Солтүстік-батыстан жел соғады, солтүстіктен 9-14, найзағайдың екпіні секундына 15-20 метрге жетеді. Ауа температурасы түнде 15-20, облыстың оңтүстігінде 23 градус жылы, күндіз өте ыстық 30-35, облыстың оңтүстігінде 38 градус жылы.

Күндіз Жамбыл облысының таулы аймақтарында қысқа мерзімді жаңбыр жауып, найзағай ойнайды. Жел солтүстік-батыстан 9-14, күндіз оңтүстік-батыстан, солтүстік-шығыстан, облыстың таулы аймақтарында секундына 15-20 метрге жетеді. Ауа температурасы түнде 20-25, облыстың таулы аймақтарында 15, күндіз 35-40, облыстың таулы аймақтарында 32 градус жылы болады.