Скейт-парктің келбеті солғын тартқан

2019 жылдың қазан айының басында Атырауда жаяу жүргіншілер көпірінің жанында төрт аймақтан тұратын скейт-парк ашылды: сырғанау аймағы, кроссфит алаңы, стритбол алаңы және қоғамдық тамақтану алаңы.

Содан бері төрт жылға жуық уақыт өтті. Бүгінде скейт-парктің кейпі солғын тартқан.  Мұны біздің суреттерден көруге болады.

«АЖ» қалалық әкімдікке сауал жолдап, мынадай жауап алды: «Жақында қалпына келтіру, сырлау жұмыстары басталады. Жөндеу жұмыстары күзге дейін толық аяқталады. Содан соң скейт-парк мәдениет бөлімінің қарауына беріледі».

Нұрбейбіт НҰҒЫМАНОВ

Суреттер мен бейнежазбаны түсірген автор