Кім осылай суарады?

«Атырау облысы су арнасы» МҚК өз учаскелерін ауыз сумен суаратындарды анықтау мақсатында қаланың жеке секторларына рейдтік іс-шараларды бастады.

Белгілі болғандай, ауыз сумен суаруға болады, бірақ белгілі бір уақытта, сағат 22:00-ден таңертеңгі сағат 8-ге дейін. Су құбыры және кәріз желілеріне қосудың техникалық шарттарының 2-тармағына сәйкес, күндізгі уақытта ауыз сумен суаруға тыйым салынады және суды пайдалану ережелерін бұзу болып саналады.

«Атырау облысы Су арнасы» МКК баспасөз қызметінің мәліметінше, бұл белгілі бір дәрежеде ауыз су беру жүйесіне түсетін жүктемені азайтуға, соның нәтижесінде қысымды тұрақтандыруға мүмкіндік береді. Ережені бұзушыларды жаза күтіп тұр – шығын төлету түріндегі айыппұлдар. 

Сондай-ақ компания әлеуметтік желіде раушан гүлдерін орталық су құбырынан тікелей суаруды ұйғарған бұзушы анықталған жағдайда қоңырау шалу үшін телефон нөмірі жазылған хабарлама жариялады. 

... Көршімен арада бұзылатын қарым-қатынасты есепке алмасақ, бұл игі іс: ауыз суды ыдыссыз тікелей орталық желіден айдайтын сорғы осы су құбырынан кейінгі учаскелерді қысымынан айырады. Салдарынан кейбіреулердің мұндай аптапта сусыз қалу қаупі бар. Айта кетейік, хлорлы, тұндырылмаған сумен суару өсімдіктер үшін өте пайдалы емес. 

«Атырау облысы су арнасы» МҚК су қысымын көтергісі келетіндердің барлығына кеңейткіш багы бар сорғы орнатуды ұсынды. Алайда мұны тек олардың рұқсатымен ғана тегін жүзеге асыруға болады. 

Анастасия ШЕРСТЯНКИНА