В Атырау +5.4 
Арман Шайханов «Қазақстан электр энергиясы мен қуаты нарығының операторы» АҚ (KOREM) басқарма төрағасы болып тағайындалды. Компанияның жаңа басшысын ұжымға Энергетика вице-министрі Ержан Ертаев таныстырды.
Арман Шайхановтың білімі бойынша энергетик және экономист. Ол Екібастұз инженерлік-техникалық институтын «Жылу электр станциялары» мамандығы бойынша, сондай-ақ Қазтұтынуодағы Қарағанды экономикалық университетін «Экономика» мамандығы бойынша тәмамдаған.
Еңбек жолын 2000 жылы Екібастұздың энергетикалық нысандарында машинист-айналып тексеруші болып бастаған. Кейін энергетикалық блок машинисіне дейін көтерілген.
Еңбек жолындағы негізгі кезеңдер:
2006–2022 жылдар: «KEGOC» АҚ-да жұмыс істеп, жетекші маманнан Ұлттық электр желісін дамыту және жүйелік қызметтер жөніндегі басқарушы директор лауазымына дейін көтерілді.
2022–2025 жылдар: «KEGOC» АҚ-ның «Алматы электр желілері» филиалын басқарды.
2025 жылғы қарашадан бастап: «Жаңартылатын энергия көздерін қолдау жөніндегі есеп айырысу-қаржы орталығы» ЖШС-нің (ЖЭК жөніндегі ЕҚО) бас директоры қызметін атқарды.