Украинада Каховск СЭС-і жарылып, елдімекендерді су ала бастаған

700 просмотра

Украинаның Херсон облысындағы Каховск су электр станциясы жарылып, төңірегін су ала бастаған. Бұл жөнінде билік құрылымдарының ақпаратына сүйеніп, ТАСС хабарлады.

Бұған дейін Baza және Shot телеграм-арналары Каховск ГЭС-ін жарылғанын жариялаған. Олар бөгетті "украин әскери қызметкерлері" жарғаны туралы фото суреттер мен видео таратқан.

Новая Каховка мэрі Владимир Леонтьев Каховка СЭС-і жарылғаны туралы ақпаратты "сандырақ" деп, теріске шығарғанын РИА Новости хабарлады. Оның сөзінше, "түнгі соққылардан су өткізетін қақпа бұзылып, су қатты екпінмен ағып жатыр".

Жергілікті биліктің айтуынша, су 5 сағаттан соң қауіпті деңгейге жетеді. Қазір су алған қауіпті аудандардан жергілікті тұрғындарды эвакуациялау басталған.

Каховск СЭС-інің жарылғаны туралы ақпаратты Украина қарулы күштерінің "Оңтүстік" әскері растаған. Олар Ресей әскерін кінәлаған.

6 маусым 2023, 11:17

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.