Кішкентай қыз 7-қабаттағы балкон ернеуімен жүрген. Ата-анасы жазаланады

18 мамырда WhatsApp мессенджері арқылы «АЖ»-ға тұрғын үйдің жоғары қабатында кішкентай қыздың балкон ернеуінде тұрғаны түсірілген видео жіберілді. Әне-міне, құлап кететіндей көрінеді, бірақ Аллаға шүкір, бәрі ойдағыдай болды.

ТЖД-дан оқиға Нұрсая ықшамауданындағы №116 үйде сағат 15:40-та болғанын білдік. Бұл жетінші қабат болатын. Кейін белгілі болғандай, баланың әпкесі балконға жүгіріп шығып, оны пәтер ішіне алып келген.

Полиция департаментіндегілер бізге қыздың ата-анасына хаттама толтырылып жатқанын, нақтыланған соң қосымша ақпарат берілетінін айтты.

Айнұр САПАРОВА