​«Каспий» – «Атырау»: португалдық пен нигериялық гол соқты

«Атырау» ФК футболдан ел чемпионатының 8-ші турындағы матчта «Каспиймен» ойнады. Ресми түрде бұл кездесуде «мұнайшылар» қонақ болды, бірақ Ақтаудағы стадион дайын болмағасын, кездесу Алматыда өтті.

Ойынның қызығы екінші таймда болды. 76-минутта номиналды алаң иелерінің жартылай қорғаушысы португалдық Рубен БРИЖИДУ дәл «тоғыздықта» қашықтан әдемі гол соқты, ал 8 минуттан кейін біздің клуб даниялық «ХБ Кёге» клубынан жыл соңына дейін жалға алған нигериялық Эффионг НСУНГУСИ есепті теңестірді. Ойын 1:1 есебімен аяқталды.

11 ұпай жинаған «Атырау» турнирлік кестеде 7-ші орынға орналасты.

Мұрат СҰЛТАНҒАЛИЕВ