Екі аурухана жеткізушілерге миллиард теңгедей қарыз болып қалды

Мониторинг барысында Сыбайлас жемқорлыққа қарсы қызметтің Атырау облысы бойынша департаменті №2 облыстық аурухана мен Құрманғазы аудандық ауруханасы тарапынан 64 кәсіпкерлік субъектілеріне көрсетілген қызметтер мен тауарларды жеткізгені үшін жалпы сомасы 900 млн теңгеден астам ақшалай қаражатты төлемеу фактілері анықталды. Әңгіме азық-түлік және климаттық жабдықтар (кондиционер, тоңазытқыш және т.б.) туралы болып отыр. 

Департамент мән-жайларды анықтау мақсатында аталған медициналық мекемелерге тиісті хат жолдады. Бүгінгі таңда олар қарыздарын өтей бастады.

Ләззат ҚАРАЖАНОВА