В Атырау
+12 
Балықшы ықшамауданының тұрғындары әкімдіктен такси жүргізушілерін қуып шығып, ауданның бас алаңын жөндеуді сұрайды.
Дегенмен, қазір бұл аумақ алаңға ұқсамайды: орындықтар күн сәулесінен тозып кеткен, бетон панельдердің кеңестік дәуірден бері арматурасы шошайып тұр және ортасында бірде бір тамшы ылғал ақпаған «Бақбақ» субұрқағы орналасқан.
Жол жиектерін пысықай таксистер алып тастаған, енді бұл жер көлік тұрағына айналған. Барлық жол қозғалысы ережелеріне қарамастан, таксистер бағдаршамға тіке шығады.
– Сол маңда өтіп бара жатып, бұл суреттерді Балықшыда Құнанбаев көшесінің бойындағы 26А үйдің алдында – бас алаңда түсірдім, – дейді қала тұрғыны Руслан Ахметов. – Құрылыс басталған кезде бұл учаске қоршалып, нысанның паспорты ілінді: тапсырыс беруші кім, мердігер кім, құрылыстың басталып, аяқталу мерзімі жазылды. Балықшы тұрғындары қатты қуанған еді. Бірақ ақыры субұрқақ жұмыс істемеді, бір кездері одан ағаштар суарылатын. Қазір бәрінің қандай аянышты күйде екенін өздеріңіз көріп отырсыздар. Қала басшылары, дұрыс алаң жасаңыздар, тұрғындар кешкі уақытта отырып, демалатындай етіп, орындықтар қойыңыздар, ағаш, гүл отырғызыңыздар... Бұл – тұтас ықшамауданның орталығы ғой!
Анастасия ШЕРСТЯНКИНА
Р. Ахметов түсірген суреттер