В Атырау
+12 
Бір күн бұрын АҚШ-тың Bloomberg басылымы өзінің дереккөздеріне сілтеме жасай отырып, АҚШ пен Украинаның одақтастары Ресейге экспорттың көп бөлігіне тікелей тыйым салуды талқылап жатқанын жазды. Осы хабарламаға сәйкес, жеті топтың шенеуніктері мамыр айында Жапонияда өтетін G7 көшбасшылар саммиті қарсаңында осы мәселе бойынша пікірталас жүргізуде, деп хабарлайды Azattyq Ruhy.
BBC Russian ақпараттық агенттігінің жазуынша, «Үлкен жетілік» бұл шешімді мақұлдаған жағдайда, ЕО-ға мүше мемлекеттер де осындай тыйым салу шараларын енгізеді деп болжануда.
«Ресейлік агрессияны тезірек тоқтату үшін маңызды нәрсе - G7 Ресейге қарсы қатаң санкциялар мен Украинаға берік қолдау көрсету мәселесінде біртұтастықты сақтайды», - деді Жапония министрлер кабинетінің Бас хатшысы Хирокадзу Мацуно.
Bloomberg жазғандай, егер мұндай шешім қабылданса, ол дәрі-дәрмек немесе азық-түлік сияқты рұқсат етілген тауарлардың шектеулі тізімін қоспағанда, Ресейге қарсы қолданыстағы санкциялар режимін толығымен өзгерте алады.
Қолданыстағы ережелерге сәйкес қазіргі уақытта Мәскеуге қарсы енгізілген санкция режимі кез-келген экспортқа рұқсат береді, ал шектеулер тек жеке тауарларға қолданылады.