Балық инспекторлары браконьерлік ау құралдарын жоюға кірісті

Жайық өзені бойында «Бекіре – 2023» акциясы шеңберінде заңсыз құрылған ау құралдарын анықтап, жою жұмыстары жүргізілді, деп хабарлайды Өңірлік коммуникациялар қызметі. 

Іс-шараға «Жайық-Каспий» облысаралық бассейндік балық шаруашылығы инспекциясының 20 қызметкері қатысты. Олар үш «КС» қайығын, алты жеңіл моторлы қайықты және «УАЗ» автокөлігін пайдаланды. 

- Тексеріс кезінде 20-ға жуық ау құралдары мен төрт астауша қайық тәркіленді. Бұлар инспекцияға қарасты «Дамбы балық» бөлімінің арнайы орнында жойылады,- деді «Дамба» балық инспекциясы бөлімінің басшысы Еламан ХАБИБУЛЛИН. - Бүкіл тәркіленген балық өнім дайындау үшін «Тілекші» ЖШС, «Абылай хан» ЖШС сияқты мекемелерге тапсырылады

Дайындаған  Ләззат ҚАРАЖАНОВА

ӨКҚ  жолдаған суреттер