В Атырау
+1 
Дүйсенбіде Украина мен Ресей кезекті рет соғыс тұтқындарын алмасты. Украинаға 100, Ресейге 106 тұтқын қайтты, деп жазады Аzattyq.org ақпараттық порталы.
Ресей қорғаныс министрлігі 106 тұтқын әскери-көлік авиациясымен Мәскеуге жеткізілетінін хабарлады. Олар қорғаныс министрлігінің медицина мекемелерінде емделіп, сауықтырылады.
Украина президенті кеңсесінің басшысы Андрей Ермак Украинаның 100 жауынгері үйіне оралғанын хабарлады. Тұтқынға түскендердің кейбірі жараланған, ауру-сырқауы да бар. Оларға медициналық көмек беріледі.
Наурыздың аяғында Украина ауыр жараланған, алып жүруге жарайтын бес тұтқынды Ресейге бергенін хабарлаған. Халықаралық құқық нормалары бойынша, ауыр жараланған және ауыр дертке шалынған адамдар айырбасталмайды, оларды еліне ешбір шартсыз қайтарады.
Ақпанның басында Украинадағы әскери қызметкерлердің құқықтары жөніндегі уәкілетті өкіл Алёна Вербицкая Ресейде 3 мыңнан астам адам тұтқында отырғанын мәлімдеген. Бейбіт адамдарды қоса алғанда, барлығы 15 мың адам хабар-ошарсыз кеткен. Ресей өзінің тұтқынға түскен солдаттары туралы мәлімет жарияламай отыр.