Атырау, 28 наурыз 23:01
 бұлттыВ Атырау +4
$ 449.58
€ 486.94
₽ 4.86

Цифрлық картадағы отбасылар мәртебесі өзектендірілді

791 просмотра

Мемлекеттік қолдауды қажет ететін 300 мыңға жуық атыраулықтың әлеуметтік жағдайы қайта қаралды.

Бұл туралы облыс әкімінің орынбасары Жасұлан БИСЕМБИЕВТІҢ төрағалығымен өткен штаб отырысында облыстық Жұмыспен қамтуды үйлестіру және әлеуметтік бағдарламалар басқармасының басшысы Азамат МӘМБЕТОВ мәлім етті.

Өңірлік коммуникациялар қызметінің мәліметінше, бұған дейін «Отбасының цифрлық картасы» жобасын жүзеге асыру мақсатында тиісті мемлекеттік органдар мен жауапты ұйым өкілдерінің қатысуымен облыстық штаб құрылған еді. Олар түрлі сала бойынша мемлекеттік қолдауды қажет ететін азаматтардың тізімін құрып, олардың әлеуметтік жағдайын жіктеуді қолға алған болатын. 

- ҚР Еңбек және халықты әлеуметтік қорғау министрлігінен әлеуметтік жағдайы бойынша қайта қарауды қажет ететін азаматтардың тізімі түсті. Тізімде азаматтар экономикалық, тұрғын-үй мәселесі, денсаулық, білім беру, көші-қон жағдайына қарай жіктелді. Оның ішінде 2 жастан 6 жасқа дейінгі аралықтағы мектепке дейінгі ұйымдарында тіркелмеген балалар, 6 жастан 18 жасқа дейінгі мектепте және кәсіптік-техникалық білім беру ұйымдарында  тіркелмеген, яғни ешқайда бармай отырған балалар, NEET санатындағы жастар, міндетті әлеуметтік сақтандыру жүйесімен қамтылмаған адамдар, тұрғылықты мекенжайы бойынша тіркелмеген азаматтар, тұрғын үйлері жоқ отбасылар бар. Сонымен қатар міндетті аударылымдар төленбей отырған жеке кәсіпкерлік, шаруа қожалықтары, фермелік шаруашылықтар да анықталды. Қазіргі уакытта осы анықталған азаматтар туралы ақпараттарды жинақтау жауапты басқармалар мен тиісті сала өкілдеріне жүктелді. Осыған орай, Білім беру, Денсаулық, Ауыл шаруашылығы, Ішкі саясат басқармаларына «Цифрлық картаға» қолжетімділік берілді, - деді А.Мәмбетов. 

Сондай-ақ басқарма басшысы келеңсіз көрсеткіштерді төмендету бағытында тиісті іс-шаралар жүргізіліп, жауапты сала мамандары апта сайын тізімдегі азаматтардың ақпаратын ұсынуы қажет екенін жеткізді.

Ләззат ҚАРАЖАНОВА

29 наурыз 2023, 16:54

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.